انا والبطيخ وهواك بس ايه اخر حاااجه !!!هههههههه

by **3moor** 2/4/2010, 10:08 pm

[size=21]

[size=9][size=21][size=29]الحب[/size]

هو ذلك الشعور السهلبيسي الذي يزغزغ عقول

البشر و يهشك قلوبهم

مستمعينا لسه بنتكلم عن الحب وعن كل قضايا

الحب وحلقتنا النهارده

[size=29]عن

الاستهبال في الحب

معاكم

اثامه منير نجوم

اس اف مزيكا على كيف كيفك

.. انا و البطيخ و هواك

من دلوقتي ولمدة ساعتين

مستنين تليفوناتكم علي 00000

او علي 0000000

او علي ايميل البرنامج

علي البطيخ ات اى حاجه بروداكشن دوووت كوووم

برعاية الشادر الصيفى كومباني و ان تاتش و

كريمات متحلقليش قرعه

دايما بتمر بينا اوقات بنحس فيها اننا مش قادرين

نعيش من غير الحب و من غير الحبيب

و الشعور دا متولد و منبثق من الاحساس التواجدي

الكوني في اللامركزيه العصبيه للقلب

و دايما بتقابلنا مواقف كلها استهبال في الحب

ياترى احنا بنعمل ايه و رد فعلنا بيكون ايه لما نقابل

حد بيستهبل في الحب ؟؟؟..

وخصوصا اننا جيل موبايلات و انتوا عارفين ان انا

عندي 22 سنة فحاسس بيكم و حاسس بمشاكل

الجيل كلها ...

اولا الرصيد اللي بيخلص في يوم و انت لسه

شاحن كارت ب 100 و تفضل تحرق في دقايق علي

حبيبتك و في الاخر لما الرصيد يقرب يخلص تقولها

بحبك بحبك امموووه هشحن واكلمك امووووه

تقولك انت بتستهبل يا حبيبي اتلم

او حبيبتك اللي تفضل تكنسل عليك تكنسل عليك

عشان استخسرت فيها كوزين درا علي الكورنيش

و انت اصلا مفلس مش لاقي تاكل و لما تيجي

تصالحها علي الموبايل تلاقيها بتكنسل ..

فتضطر تصالحها بكارت ب 5 و تستهبل .. تلاقيها

بتصرخ في وشك و تقول
انت بتستهبل؟؟

اقل من 200 متورنيش خلقتك

و حبيبك اللي ييجي في اوقات يعمل فيها عالم فلك

و يقولك انا بقرا الكف

و يفضل ماسك في كف ايدك ولا كأنه شاف ايدين

قبل كدا

و في الاخر تقوليله

انت بتستهبل ؟؟ حد يشوفنا

مستمعينا الاستهبال في الحب حالة بتمر بكل

المهاطيل و المهابيل من ابناء الجيل و لو

مستخدمناش عقلنا في الاستهبال بيقلب عباطه

وممكن مغص كلوي

مستمعينا مستني تليفوناتكم علي 00000

او علي 0000000

او علي ايميل البرنامج

البطيخ ات اى حاجه بروداكشن دوووت كوووم

برعاية الشادر الصيفى كومباني و ان تاتش و

كريمات متحلقليش قرعه

نستقبل اول اتصال تليفوني و نقول الوو

الوو

الووو

الووووو

انتى يا حاجه

واضح ان الخط قطع

- الوو ايواياسمسم

اهلا نتعرف بيكي
..

- بثمه من بنــــــــــــــــها

اهلا بيكي يا بسمه ياريت تعلي صوتك شويه

معلش اثل انا بتكلم من تحت البطنية ..

مفهوم طبعا عشان محدش يقفشك و انت بتتكلمي

بثمة بنتكلم النهارده عن الاستهبال في الحب ..

تقدري تقوليلي يعني ايه الاستهبال في الحب و

بيمثل لك ايه

بص....

اولا انا بموت موت موت جدا في البرنامج بتاعك و

والله مش بفوت ولا حلقة منه ابدا خالث

يا أوس اوس انا بكلمك عشان الحلقة بتاعتك

النهارده مخثوث عشاني

انا كنت بحب واحد و انا في 2 ابتدائي و فضلنا نحب

بعض للجامعة

جميل

- اهـء اهـء اهـء

لا اهدي يا بسمه و قوليلي ايه اللي حصل

اخد كل حاجة كل حاجة

اححمم

حتى الموبايل

خد الموبايل يا بسمه

بقولك كل حاجة

اهـء هـء هـء

طيب اهدي يا بسمه

بصي يا بسمه

الحب شعور متبادل بين اتنين

مينفعش طرف واحد من غير الطرف الاخر و لازم

الاتنين يكونوا متفاهمين و متعاونين

هو دا الحب اللي هايدوم طول العمر و بكدا نحل كل

المشاكل اللي تقابلنا حتى مشكلة غسيل الالوان

مع الابيض .. لان تايد

برغوته الجديدة حل المشكله

مستمعينا نسينا نقول ان تايد من رعاة البرنامج

مع تاااااايد في الغسيل مفيش مستحييل

بشكرك يا بسمه علي اتصالك و بهديلك اغنية السوبر ستار

يا قاعدة علي الترعه و بتغسلي المواعين
جاتك ستين وكسه أخدتي أيه من الغسيل

نص ساعة اعلانات ..

انا و البطيخ و هواك برنامج للحب و عن الحب

مع

اثـــامه منير

الحب

لحظات من الامل متولدة في وسط غابات الغضب

البشري الجارف المتعارض مع احداث الحياة

فالحياة بدون حب

كالشجرة بدون قرود ..

مستمعينا لسه بنتكلم عن الحب و لسه بنسأل

عن الاستهبال في الحب

مستني تعليقاتكم علي 0000 او علي 0000000

او علي ايميل البرنامج

الى انتو عارفينه

الوقت بيمر معاكم بسرعة
نستقبل اتصال تليفوني و نقول الووو

الووو

الووو

الوووووو

يووووووه انتى يا بت

الوو ايوا

اهلا نتعرف بيكي

ياريت تعلي صوتك لان الصوت بعيد اوي

_معلش اصل انا بكلمك من الحمام

انا اسماء من المنصورة

اهلا بيكي يا اسماء

اسماء بنتكلم النهادرة عن الاستهبال في الحب

انت ايه رأيك في الاستهبال عامة و خصوصا في

الحب

انت برنامجك جميل اوى وبسجله علطول

ربنا يخليكي يا اسماء ..

انا كنت بحب واحد نجار مسلح و بعدين كنت في

يوم ماشية في الشارع لابسه باضي جميل و ديق

موووت و بعدين واحد عاكسني فحبيبي شلحف

مين يااسماء ؟؟

_شلحف هو اسمه شادي بس انا بدلعه شلحف

قام ضارب الواد اللي عاكسني بالحديد شاقق له

دماغه

هو دلوقتي في السجن ومش عارفه اروح ازوره ولا

اى؟

و انا بحبه اوي و مش عارفه اعمل ايه

و اهلي بيضغطوا عليا مووووت مووووت عشان اتجوز

واحد قد ابويا

انا مش عارفه اعمل ايه

أنا بحب شلحف أوي

بصي يا سيدة

اسماء

اه سوري

بصي يا اسماء

بنقابل ناس في حياتنا بنحبهم و بيحبونا و ديما كتير

بنكون شبهم و زيهم .. حتى الحب نفسه سعات

بيحب انه يتكون على حبيب و حبيبه

و حبيبك بيحبك و ان شاء الله يطلع بالسلامة

بس تعرفي هو لو كان الحديده مصنوعه من حديد

عز اكبر مصنع في الشرق الاوسط و المصدر

الرسمي لحديد الجدار العازل كان حبيبك زمانه

مشنوق دلوقتي لان حديد عز يتميز بالصلابه و

القهوه و السيخ مظبوط و بالتمام ..

[You must be registered and logged in to see this image.] يا ساره على اتصالك و بهديلك اغنية السوبر

ستار

يا مسجون في لومان طره
نفسي اكل معاك كوز دره

مستمعينا لسه بتكلم عن الحب و لسه بنسأل عن

الاستهبال في الحب

مستني تعليقاتكم علي 0000او علي 000000

او علي ايميل البرنامج

.................

نص ساعة اعلانات

مستمعينا لسه بتكلم عن الحب و لسه بنسأل عن

الاستهبال في الحب

مستني تعليقاتكم علي 0000او علي 000000

او علي ايميل البرنامج

.........................

اس ام اس كتيرررر جدا النهاردة

ـــــــــــــــــــــــــــــــــــــــــــــ

انا اتعرفت على واحد من ع النت وقابلته بس

نفسى احسسه بمشاعرى اعمل ايه ارجو الرد
ـــــــــــــــــــــــــــــــــــــــــــــــــ

البرنامج جميل جدا وانتى كمان مواضيعك تحفة ..

وعايزاكى تقولى لجابر انى بحبه جدا وميزعلش

منى ابدا.. رغم كل اللي بيعمله و رغم انه قليل

الادب و دايما بيعمل حاجات سوفاج بس بحبه

بحبك يا تامر

قصدي يا جابر

حبيبتك شاهيناز
ــــــــــــــــــــــــــــــــــــــــــــــــ
هاى

انا محمود من الاردن عاوزك تقولى لهبة اننا مش

هانفترق تاني ابدا ابداا

حتى لو فضلت تقرقض في ضوافر رجليها

ـــــــــــــــــــــــــــــــــــــــــــــــ

هااي

عاوز الايميل بتاعك بجد في مواضيع مهمه قوي

عندي عاوز الحل ليها .. معلش

معلش يا اوس اوس الموضوع مهم والله وانت الامل

الوحيد ليا .....

ــــــــــــــــــــــــــــــــــــــــــــ

ممكن حلقه عن الحب من طرف واحد اصل اخوك

كهربائي سيارات ...

ــــــــــــــــــــــــــــــــــــــــــــــــــ

هاى

قول لحسن انه مهما دور على حد ممكن يحبه

ويسامحه ويغفر له كل حاجه مش هيلاقى غيرى

لانى بحبه بصدق ومش عاوزة منه اى حاجه

خالص.. و هتنازل عن تمن الموبايل اللي ضربوا

مني في الشهر اللي فات و باعه

ـــــــــــــــــــــــــــــــــــــــــــــــــ

انا عارفه ان الحب مفهوش كرامه وهو الى خلانى

بقيت كدة ازاى بعد كل دة هو اللى يبعد ويختار هو

علمنى ازاى معرفش اعيش من غيرة ونسى

يعلمنى لما يبعد يش ازاى ... بحبك يا بعجررر

ـــــــــــــــــــــــــــــــــــــــــــــــ

انا فى عندى مشكله انا بحب واحده ومش عارف

اصارحها خايف يكون الحب من طرف واحد

بحبك يا سندس وياريت تحولى لى 5 جنيه صيد

ـــــــــــــــــــــــــــــــــــــــــــــــ

انا سنية من القاهرة

انا بحب واحد قد ابويا و مش عارفه اعمل ايه بحبه

موووت مووووت عشان شعره الابيض الجميل و فجأة

اكتشفت انه سمكري سيارات و ان البويه جت

علي شعره

انا مش عارفه اعمل ايه انتى املي الوحيد

ــــــــــــــــــــــــــــــــــــــــــــــ

انا عيوشه من شبرا و بحب واحد من الصعيد

و اتخانقنا بس لما سمع الحلقة بتاعت البرنامج

اللي فاتت جاني تحت البلكونه من الصعيد مشي

و قعد يعيط و انا بحبه خالص يا

بحبك يا صميده موووت موت

ــــــــــــــــــــــــــــــــــــــــــــــــــ ــــــــــــــــــــ

الوقت بيمر معاكم بسرعة وقت حلقتنا انتهى

كان معاكم اسامه نجوم اف اس مزيكا علي كيف

كيفك

في انا و البطيخ و هواك من 12 لـ 2

بشكر كل اللي كلمنا و اللي بتعت ا س ام اس

مع انا و البطيخ و هواك استنوتا يوم الحد في نفس

الميعاد قبل ساعتين من دلوقتي

برعاية

مصنع كوبايات ام سمير

و كراسة الاول

سلاح التلميذ

وسوق العبور

وام اشرف

مصنع كريمات ام وائل

كوافير ام ابراهيم للسيدات و قسم خاص للمحجبات

مزرعة دواجن ابو احمد لتسمين العجول

نادى قحافه

اديداس و بوما

اميجو كوتشي بينور

امريكانا الجودة

aaaaaa

لانشون حلواني الإخوان

منظمة التحرير الفلسطينية

سمنة البقرتين

[/size][/size][/size]
[/size]</B></I>